Nga Ahmet Zani
Trapi ka zëvendësuar urën në fshatin Shkopet dhe kjo po i ndihmon banorët për të kaluar nga njëra anë në tjetrën. Fotot rrëfejnë një realitet të sotëm, jo të mesjetës. Është ngjethëse të mendosh që ky transport bëhet edhe për të vegjëlit, por ja që ndodh.
Trapi shërben për lëvizjen e banorëve që ndodhen në faqen e malit në anën tjetër të lumit, ndonëse rreziku është evident në çdo çast. Një djalosh është drejtuesi i këtij mekanizmi të shpikur nga i ati, duke u ardhur në ndihmë fqinjëve për të dalë nga izolimi që i kanos prej shtatë vitesh nga rrëmbimi i urës pasarelë nga vërshimi i ujrave të hidreocantralit në Shkopet. Ndonëse janë hedhur projektet nga vendorët kurbinas apo dhe kërkesat e njëpasnjëshme të banorëve ende nuk është lëvruar asnjë fond, ndonëse në të dy brigjet ndodhen mbajtëset e urës dhe kësaj i nevojiten bazamenti për të lehtësuar këta banorë, të cilët po largohen nga fshati nga faktori i mungesës së urës.
“Është stina e verës dhe ujrat nuk janë të rrëmbyeshëm, por të shohësh në dimër si përballemi me vështirësitë duke rrezikuar jetën”, shprehet një i moshuar. Një zonjë e moshuar kujton që deputetja e Lezhës, Mimi Kodheli, ministre e Mbrojtjes ka premtuar rindërtimin e urës nga dikasteri i saj, por ende nuk ka ngjarë gjë.
“A nuk paska qeveri për ne?, pyet e moshuara nga ky fshat. Ne ja dimë për nder Sandrit që po na shërben në çdo rast me këtë pajisje siç i themi ne trapi. Nuk kemi para të përballojmë me investimet tona rregullimin e urës, derisa as shteti nuk ka që po na vjel për të gjitha taksat.”
Fëmijët mbi të gjitha janë në rrezik, kur u duhet të shkojnë në shkollë, por edhe banorët e tjerë.
