Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

UNICEF dhe UN Women: Nuk ka justifikim dhe tolerancë ndaj përdhunimit!

Nga 27.al 0

UNICEF dhe UN Women në Shqipëri kanë reaguar lidhur me ngjarjen e dhunës seksuale ndaj të miturës në Babrru.

Përmes një njoftimi, UNICEF dhe UN Women u bën thirrje institucioneve që të hetojnë krimet e tilla, duke vendosur një kulturë me tolerancë zero ndaj ngacmimit dhe abuzimit seksual.

Njoftimi i plotë

UNICEF dhe UN Women janë shumë të shqetësuar nga lajmet e fundit për një rast tjetër të dhunës seksuale ndaj një vajze adoleshente. Dhuna seksuale e kryer ndaj kujtdo është një krim, dhe ne jemi veçanërisht të shqetësuar për intensitetin me të cilin prek gratë, vajzat e reja dhe fëmijët. Kjo përbën një shkelje të rëndë të të drejtave themelore të njeriut dhe sjell ndikim shkatërrues afatgjatë mbi viktimat dhe vendit ku jetojnë.

Ne u bëjmë thirrje institucioneve që të hetojnë krimet e tilla, duke vendosur një kulturë me tolerancë zero ndaj ngacmimit dhe abuzimit seksual. Gratë dhe vajzat duhet të ndjehen të sigurta në hapësirat ku mësojnë, jetojnë dhe luajnë. Ne gjithashtu u bëjmë thirrje mediave që të ndalojnë raportimin e detajeve që zbulojnë identitetin e të mbijetuarave dhe familjeve të tyre. Informacioni që ndahet me publikun duhet të ndihmojë në zhdukjen e kulturës së dhunës seksuale dhe media duhet të përdorë fuqinë e saj për të mbështetur plotësisht të mbijetuarat, jo autorët e krimit. Kryesisht i bëjmë thirrje të gjithë shoqërisë që të mos u kthejë shpinën atyre që u prekën nga kjo dhunë, të mos i fajësojë ata dhe të reagojë kundër abuzimit. Nuk ka justifikim dhe tolerancë ndaj përdhunimit!

Shqipëria ka hedhur hapa të konsiderueshme në mbrojtjen e fëmijëve nga dhuna, duke miratuar instrumentet kryesore për të drejtat e njeriut. Zbatimi i plotë i tyre, sot më shumë se kurrë, është thelbësor për të garantuar që të gjitha gratë dhe fëmijët mbrohen nga të gjitha format e abuzimit dhe shfrytëzimit. UNICEF dhe UN Women në Shqipëri do të vazhdojnë të mbështesin punën e institucioneve publike dhe organizatave të shoqërisë civile për të promovuar një mjedis të sigurt për gratë dhe vajzat, ku ato ndjehen të fuqizuara që të jetojnë të sigurta dhe të kenë përkrahje kur është e nevojshme, teksa abuzuesit vihen para drejtësisë.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej