Nana ish tuj i falun nji dorë ndihmë nuses, me të cilën ndajnë konakun, sofrën edhe gzimet e hidhnimet, kur po e thrrisja me ja ndie zanin.
Nana: qeh, sa jam ulun përskaj shporetit! I sosëm punët e sabahut, e po dojmë me pi kafe!
Unë: ah, t’isha kanë aty!
Nana: m’ke lanë pa kafe kësaj here! Pak m’ka metë, sa e kam çel qesen e mramë!
Unë: kam me t’prue sa t’duesh kafe, o nanë!!!
Nana: Fjolla a ke ndrrue naj llaf me Bilginin? Çka po thotë?
Unë: nanë, mirë po thotë, mos ki gajle! Edhe pak e u kry! Veç rri n’shpi, ha porotokalle e limona!
Nana: evlad për tjetër çka jam tuj t’vetun… Dje, i lshuen djemtë lajmet… gazetarët kallzuen se veç pleqtë janë tuj shkue prej ktij virusi!
Unë: nanëëëëëë! Po ti ç’punë pate me lajmet???
Nana: evlad, unë u gzova!
Unë: nanëëë breeeee!!!
Nana: po na e kena krye tonën… tash, jeta asht për ju! Gzohem, kur e di se kand kam me e lanë mrapa!
Unë: Mirë. Shumë mirë! Bukur shumë! (vet me vete: na po i vrajmë për së gjalli familjet tona)…
… po me të thanë se virusi asht tuj i përpie çikat e djemtë e ri?!
Nana: qysh?!?! Jaaaa evlad, lajmet s’thanë ashtu!
Unë: nuk thanë po ashtu asht! Virusi nanë, munet me na marrë kreeeeejtve!
Nana s’flet! E di, po menohet…
Ajo: a dul vakcina? A ka ilaçe?
Unë: jo nanë. As vaksinë e as ilaç! Njëjtë për krejt!
Nana: prit pak evlad! Ta kryj këtë kafe e po hyj n’odën tem! Ja ja ja … se kisha menue kshtu!
Unë: eeh
Nana: ti rri pa gajle … na t’bajna kujdes s’pari, se e kena amanet me kanë t’paqtë! E masi s’paska vakcinë e ilaçe, dertin e ksaj pune u dashka diftue Dikah Tjetër! Jooo evlad, me kanë senet kshtu, paskena metë “pikë e pesë”… veç n’Dorën e Zotit! Po ti shyqyr që m’kallzove se unë isha rahatue që s’ka gja! Jaaaaaa, tash e dij se çka me ba! Na ka fal Zoti me Rahmet paska ardhe dakiku me e Lut për me na Falun, pa zahmet!
(!!!! Pak zemër e menje, kur kallzoni a raportoni për virusin!! Fjala vret sa vdekja)
me të thanë se t’i kam fal krejt,
dro, Ki më kesh me mu
se të tanat janë prej Teje,
fjala, fryma e t’mirat deri n’gju.
ndaj, me Bojnat e Mëshirës Tande
ma ngjyej’ loçkën e përvëlume
Falmë me Hir’ Tandin
Oj Dashni’ kurrë e marueme!
e 8ta ditë.
fjolla. mars. 2020
P.S. Bojnat me këtë rast janë Emnat e Zotit! Na ngjyrosum me bojna; Zoti me Emnat (Lehtësues; Dashurues; Qetësues; PaqeSjellës).
Kur “e marueme” te na ka dy kuptime:
a: maroj; baj; ndërtoj diçka (marova shpinë)
b: maroj: u kry, mbaroj
Zoti s’asht i ndërtuem, por ka Qenë gjithnji: dhe asht i Pambarim!
