Ka nisur edhe sot protesta e banorëve të Unazës së Re, të cilët kundërshtojnë projektin e Unazës së Madhe.
Në ditën e 143 të protestës, banorët kanë bllokuar rrugën. Banorët me thirrje dhe pankarta kërkojnë edhe largimin e kryeministrit Edi Rama.
“Mundohen që t’i rrisin fëmijët po ti nuk don e ke bërë Shqipërinë një ishull më vete që kërkon ta vjedhës dhe rropatesh. Ti nuk ke veshë për t’i dëgjuar sepse t’i ke linjën tëndë Edi Rama. Por sot më shumë se kurrë populli shqiptar e ka kuptuar se Edi Rama ka ikur. Unë kam fenomenin Edi Rama si kryeministër që je ti. Edi Rama ti je me dy standarte. Për popullin nuk ke menduar kurrë. Nuk mendon ai për politika sociale, ai ka mendjen për të zbatuar atë që i thonë vetëm oligarkët e tij, prandaj do ta shëmbe”, u shpreh një protestues.
