Kryeprokurorja Arta Marku u përfol për lidhjet e saj me Ulsi Manjën duke qenë se të dy kanë punuar bashkë në Prokurorinë e Shkodrës.
Manja ka reaguar sot për lidhjet që ai ka me 41-vjeçaren që drejton përkohësisht organin e akuzës.
Po çfarë thotë vetë Ulsi Manja për lidhjen me Arta Markun:
Kam punuar në Shkodër me zonjën Marku, kam qenë për disa kohë eprori i saj. Dihet problematika e Shkodrës. Është një nga qytetet e mbarsur me situata kriminale. Çdo prokuror që punon në Shkodër për 15 vjet e meriton të jetë Kryeprokuror. Nga ana tjetër, jemi mësuar që të zgjedhim prokurorë nga Tirana, që rrinë të “Rogner”, “Sheraton”, apo “Plaza”. por ka të denjë dhe të rrethet.
Zonja Marku ka hetuar çështjet më të vështira në Shkodër, ato të krimit të jetës. Ka integritet profesional. Njihet si një prokurore shumë korrekte. Së pari, më vjen mirë që vjen një zonjë në krye të institucionit. Në karrierën time kam ndërruar pesë prokurori. Njoh 70% të prokurorëve që ka Shqipëria. Nuk kam ndikuar për zgjedhjen e saj.
