Situata alarmante në qytetin e Krujës ka bërë që ujësjellësi i zonës të kërkojë boshatisjen e depozitave. Që nga dita e hënë, ujësjellësi në Krujë ka ndërpreë dhe ujin, duke qënë se shumë qytetarë janë paraqitur në spital me dhimbje barku. Pritet dalja e përgjigjes së analizave epidemiologjike për të vërtetuar nëse uji është bërë shkaktar i gjendjes së rënduar të qytetarëve.
Një ditë më parë, Ujësjellësi i Krujës u tha se shkak paraprak për helmimin e banorëve, është kontaminimi i ujit të pijshëm si pasojë e reshjeve të dendura të shiut të shtunën dhe të dielën, veçanërisht në vendburimin e Malësisë së Krujës ku është konstatuar prezencë e amoniakut mbi normë.
Mbi 500 qytetarë kanë kërkuar ndihmë në spitalin e Krujës që nga dita e dielë pasi dyshojnë se janë helmuar nga uji.
