Drejtori i UKT-së, Elton Kacidhja, vartës i Erion Veliajt shpërdoron lekët e mbledhura nga faturat e kryeqytetasve. Ndërkohë, pasi u dyfishoi çmimi i ujit (në 2017 tarifa u rrit me 44%), cilësia e shërbimit vazhdon të mbetet e dobët. Këtë herë drejtori i Lali Erit po hedh në erë 83 milionë lekë për kompjuterë zyre. Ç’ndodhi, dolën jashtë mode kompjuterët që janë blerë çdo vit?
Këto para nuk do të shkonin për ndonjë investim direkt për cilësinë e ujësjellësit, por Kacidhja parashikon të blejë disa kompjuterë që kushtojnë si të jenë vetura. Sipas dokumentit do të blihen 45 kompjuterë për zyra brenda 5 ditëve. Në dukje është një tender i thjeshtë, për një furnizim që mund të shpenzoheshin shumë herë më me pak para dhe në rrugën e duhur. Në fakt më mirë do të ishte një riparim dhe mirëmbajtje.
Epo këtu kemi sërish një por… Kacidhja është mësuar që të vjedhë në çdo tender.
Jo vetëm që i blen këto kompiutera me dyfishin dhe trefishin e çmimit në treg, por e zhvillon prokurimin pa konkurrencë. Drejtori i Lali Erit nuk ka frikë të shkelë ligjin “Për Prokurimet Publike”, sepse kështu bën edhe shefi i tij. Bihet menjëherë në sy një “Red Flag” që i është vënë tenderit nga Open Data Albania për shkak të mungesës së konkurrencës.
Sipas të dhënave të publikuara për këtë tender, janë paraqitur me oferta 4 kompani, por drejtori veproi ashtu siç ka mësuar nga praktikat e Erion Veliajt. Ai i dha fitoren ofertës më të shtrenjtë. Më saktë, ia dhuroi këtë kontratë, duke përjashtuar përnjëherësh ofertat e tjera më të lira. Kështu mbeti mbi tryezë vetëm zarfi i kompanisë ATOM sh.p.k.
Kjo kompani ka për administrator Endri Luga, i cili është edhe ortak me 20% të aksioneve.
Gjithashtu bashkëpronarë të tjerë janë edhe Armand Agolli që zotëron 40% të aksioneve si dhe Luan Basha gjithashtu me 40% të tjera. Ata janë me fat që bashkëpunojnë me drejtorët e Lali Erit, duke fituar më shumë se sa është e mundur.
Urojmë që Lali Eri ta tërheqë këmbën zvarrë drejt SPAK-ut bashkë me drejtorët e tij për shpjeguar se ku i çojnë këto lekë të taksapaguesve!
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
