Udineze ka befasuar Milanin në shtëpi, duke u shkaktuar “Kuqezinjve” humbjen e dytë radhazi në tre ndeshjet e para të Serisë A.
Milani ishte më këmbëngulës në kërkim të golit gjatë gjithë takimit, por skuadra e drejtuar nga Montella ishte e paqartë në fazën finale të aksioneve të ndërmarra, ku as Bacca dhe as Bonaventura e Suso nuk gjetën dot rrugën e rrjetës.
Friulianët, që në këtë transfertë kishin ardhur për barazim, ishin të rreshtuar mirë në prapavijë dhe rrezikuan disa herë me kundërsulme, por golin do ta gjenin në minutën e 88, kur një kros nga krahu i djathtë i sulmit gje Perican, i cili duke përfituar edhe nga përgjumja e mbrojtjes së Milanit, godet qetësisht në kendin e largët të portës së mbrojtur nga Donarumma.
Në ndeshjet e tjera, Torino u mposht nga Atalanta 2-1, Lacio barazoi 1-1 në transfertë me Kievon, ndërsa Xhenoa Fiorentina u braktis për shkak të reshjeve të mëdha të shiut. Po si pasojë e reshjeve, edhe Roma me Sampdorian u ndërpre për thuajse një orë, kur rezultati ishte 1-2 për dorianët.
/ Top Channel
