Marvi Mihali, 22-vjeçari i vrarë pas një sherri me thika pranë stadiumit “Selam Stermasi” në Tiranë ishte djali i vetëm i atletit të njohur shqiptar, Pavllo Mihali.
Prej vitit 1983, Pavllo Mihali, i ati i të riut që u vra për një karikues, mban rekordin në kërcimin me shkop (5.21 metra).
Marvi Mihali u konfliktua fillimisht me 19-vjeçarin Dejvi Bitraj dhe më pas u qëllua me thikë nga kushëriri i tij Eugen Bitraj.
Ngjarja e rëndë ndodhi rreth orës 23:30 mbrëmjen e kaluar, ndërsa policia arrestoi pak orë më vonë edhe autorin e dyshuar dhe 3 bashkëpunëtorët e tij.
Katër të rinjtë Eugen Bitraj, 24 vjeç; Dejvi Bitraj,19 vjeç; Kridens Alla,19 vjeç dhe Marsel Alla, 23 vjeç do të qëndrojnë në qeli deri në qartësimin e rrethanave dhe rolit të tyre në krim.
