Ka ndërruar jetë në spitalin e Fierit një 32-vjeçar i cili u vetëplagos në banesën e tij me armë zjarri.
Mësohet se viktima Altin Kadhe, 32-vjeç, ndërroi jetë në spitalin rajonal të Fierit.
Ngjarja ndodhi mesditën e sotme rreth orës 13:10, ku 32 vjeçari banues në lagjen “Sheq i Vogël”, Fier, dyshohet se ka qëlluar veten me armë zjarri.
Ka qenë familjarët ata të cilët kanë gjetur 32 vjeçarin në dhomë dhe e kanë dërguar me urgjencë në spital për t’i dhënë ndihmën e nevojshme mjekësore.
Policia dhe grupi hetimor po punojnë për zbardhjen e plotë të rrethanave të ngjarjes.
