Me anë të një postimi në “Facebook”, nënkryetari i Partisë Demokratike, Agron Gjekmarkaj, ka reaguar pas takimit që pati sot me ambasadoren e SHBA-ve në Tiranë, Yuri Kim. Gjekmarkaj ka vlerësuar mbështetjen e ambasadores dhe theksoi se marrëdhëniet e Shqipërisë dhe Partisë Demokratike me SHBA do të jenë gjithnjë e më të forta pa asnjë hije kompromentimi.
“Sot pata kënaqësinë të pres në Kuvendin e Shqipërisë, Shkëlqesinë e saj, Ambasadoren e SHBA-së, znj. Yuri Kim, këtë mike të madhe të vendit tonë dhe Partisë Demokratike! Marrëdhëniet e Shqipërisë dhe Partisë Demokratike me SHBA do të jenë gjithnjë e me të forta pa asnjë hije kompromentimi ! Investimi i demokratëve është i gjithi në këtë drejtim” – ka thënë Gjekmarkaj.
Ambasadorja e SHBA-së, Yuri Kim, ka zhvilluar një takim me nënkryetarin e Partisë Demokratike, Agron Gjekmarkaj. Lajmin e bëri të ditur vet ambasadorja, me anë të një postimi në rrjetet sociale. Kim uronte Gjekmarkajn për përgjegjësinë e re si nënkryetar i Kuvendit të Shqipërisë.
