Zëvendësministrja e Shëndetësisë, Mira Rakacolli ka dhënë sqarime për foton që qarkulloi në media ku ishte e pranishme në mbledhjen e Partisë Socialiste, pa maskë në ambient të mbyllur.
Teksa u pyet nga gazetarët gjatë mbledhjes së Komitetit Teknik për këtë çështje, Rakacolli tha se ishte një incident i izoluar dhe se nuk e kishte vendosur vetëm për një moment maskën.
“Ai ka qenë një incident i izoluar. Dhe ka qenë një situatë të tillë. Ajo ndodhi. Aty nuk ishin më shumë se 14 veta. Është marrë jo gjatë takimit, por në fund të tij, kur ishin bërë takimet me orare të ndryshëm. Nuk diskutohet se përderisa atyre ishte një foto, s’mbetet më për t’ju shpjeguar ndonjë gjë tjetër. Kam reaguar që atë ditë, pasi kur nisi aktiviteti kishte pak veta. Ka qenë momenti i lëvizjes së orareve dhe ardhjes së njerëzve. Në dijeninë time policia ka vendosur gjoba.”,- tha Rakacolli.
