Në spitalin e Fierit ka ndërruar jetë një 87 vjeçare. E moshuara ndërroi jetë 15 dite pas burrit i cili ndërroi jetë në spitalin infektiv në Tiranë pasi ishte prekur nga corona virusi.
Bëhet fjalë për çiftin e të moshuarëve Delia të prekur me covid 19 banues në pallatin 10 katësh në lagjen “15 tetori “ në Fier.
Të afërmit pohojnë se gruaja vuante edhe nga zemra. Ata pohojnë se e kishin nxjerrë nga spitali në Tiranë kur bashkëshorti i vdiq dhe e kishin transferuar në spitalin e Fierit për të qëndruar nën kujdesin e mjekëve, edhe pse rezultoi e shëruar.
Gruaja doli negative pas tamponëve të kryer në spitalin infektiv dhe për këtë arsye doli nga spitali e shëruar dhe u transferua në Fier.
Që nga dita që mbërriti në Fier ka qëndruar nën kujdesin e mjekëve duke qenë se kishte probleme shëndetësore të tjera, nga zemra, probleme me frymemarrjen etj./ABCnews
