Ambasadorja italiane në Australi, Francesca Tardioli, humbi jetën ditën e sotme pasi u rrëzua nga një ballkon në qytetin e saj të lindjes, Foligno. Në lidhje me këtë ngjarje të rëndë ka reaguar edhe ambasada e Italisë në Shqipëri, pasi Tardioli për disa vite pune në vendin tonë në konsullatën italiane.
Në reagimin e ambasadës thuhet se ajo ishte një diplomate shumë e mire, të cilën shqiptarët ende e kujtojnë me mall.
“Mirupafshim Françeska! Ju ishit një diplomate shumë e mirë, gjithmonë në shërbim të vendit me inteligjencë, aftësi dhe karakter të fortë. Edhe pse ka kaluar shumë kohë nga vitet e tua në “Vendin e Shqiponjave”, miqtë shqiptarë ende të kujtojnë me mall. Do të na mungosh” – shkruan ambasada e Italisë në Shqipëri.
