Blogerja e njohur Sarah Berisha është përfolur se ajo është shtatzënë, dhe së fundmi ajo ka bërë një postim në rrjetin e saj social Instagram që ka lënë jo pak vend për dyshime.
Blogerja ka shpërndarë një postim ku tregon një detaj për jetën prindërore të shumë njerëzve dhe ka etiketuar veten e saj si do të sillej nëse do ishte prind.
“Unë si një prind”
Në postimin në fjalë shihen babai duke bërë foto me dy personazhe të animuara teksa fëmija i shikon.
Sarah kështu ka nënvizuar edhe një herë karakterin e saj të çiltër dhe siç e ka thënë vet se do jetë gjithnjë një fëmijë. Postimi i saj është komentuar jo pak në mediat sociale, por jo domosdoshmërisht duhet të jesh shtatzënë që të tregosh se si e mendon veten si prind.
Kujtojmë se, pak ditë më parë blogerja reagoi për herë të parë rreth këtyre aludimeve. Një faqe në Instagram kishte publikuar një foto nga ditëlindja e Monikës ku Sarah shkoi e veshur me një fustan totalisht rozë, ku krahas fotografisë shkruhej Sarah është në pritje të ëmbël.
Teksa e ka rishpërndarë në llogarinë e saj, blogerja shkruan me ironi: “Çun apo goc dini gjë ju?“, duke mohuar kështu se është shtatzënë.
Së fundmi, kujtojmë se pas daljes nga shtëpia e “Big Brother Vip”, blogerja dhe DJ PM, emri i vërtetë i të cilit është Pajtim Krasniqi, kanë vendosur që të jenë më të rezervuar rreth lidhjes së tyre. Ata postojnë rrallë në rrjetet sociale foto a video së bashku dhe në intervista kanë thënë se tashmë është koha që ata të njohin njëri-tjetrin larg vëmendjes së publikut.
