Edhe pse para pak orësh u lirua nga qelia, ish-deputeti Klevis Balliu ka shkuar sërish në protestën e Unazës së Re.
Ai është shprehur se kjo është një dhunë e inskenuar nga kryeministri Rama.
“As burgu nuk na ndal. Bashkohemi më 11 maj, Rama është në sekondat e fundoit. As burgu nuk na ndal”, i është drejtuar Balliu banorëve.
Kujtojmë që Balliu u arrestua vetëm para dy ditësh, pasi së bashku me disa banorë të Astirit bllokuan rrugën për të penguar kalimin e kryeministrit Rama.
Së bashku me Balliun, Lulzim Marqinaj, Elton Skënderi dhe Sit Hajdarasi u konfrontuan me policinë, ku mbetën të plagosur edhe 4 efektivë.
