Dy vëllezër, Emiljani dhe Ardenis Rama kanë rënë në prangat e policisë, pasi gjët një kontrolli në banesë u janë gjetur fara kanabisi, ndërsa në toka kishin mbjellë fidanë.
Njoftimi i policisë:
Skrapar
Evidentohet dhe goditet një rast i tentativës për kultivim të bimëve narkotike.
Arrestohen 2 autorët e dyshuar të tentativës për kultivim.
Sekuestrohen fara cannabis dhe një radiomarrëse.
Në përfundim të veprimeve të para hetimore, specialistët për Hetimin e Krimeve në Komisariatin e Policisë Skrapar arrestuan në flagrancë shtetasit E. R., 39 vjeç dhe A. R., 35 vjeç (vëllezër), të dy banues në fshatin Barçë. Gjatë kontrollit, shërbimet e Policisë kanë gjetur kubikë me fidanë të dyshuar cannabis sativa pranë tokës në pronësi të këtyre shtetasve. Gjithashtu, në banesën e shtetasit E. R. u gjetën fara të dyshuara cannabis sativa dhe një radio dore komunikuese.
Materialet i kaluan Prokurorisë së Rrethit Gjyqësor Berat, për veprime të mëtejshme.
