Pas sekuestrimit të 2 kg heroinë gjatë ditës së djeshme në një autobus të linjës Shqipëri-Greqi është pezulluar nga detyra Shefi i Hetimit te Krimit në Drejtorinë e Kufirit dhe Migracionit në Korçë, Edmond Çela. Çela është pezulluar nga SHÇBA, pasi është pronari i linjës së autobusit ku u sekuestrua heroina, që kishte destinacion Greqinë.
Droga u gjet në autobusin e udhëtarëve të kompanisë “Metro” me targa AA390NY. Administrator i kësaj kompanie është Endri Shuri dhe ortakë të saj janë Ilva Belortaja dhe Dafina Qose, ndërsa pronar Edmond Çela. Çështja e heroinës së sekuestruar në Kapshticë i ka kaluar Krimeve te Renda.
Policia lokale po vijon hetimet për mundësinë e implikimit të personave të tjerë në trafikun ndërkombëtar të lëndëve narkotike me Greqinë.
