Një 13 vjeçare e quajtur Maggie Flannery është infektuar me COVID-19 që në muajin mars dhe ende nuk ka arritur të shërohet.
“Në fillim të karantinës, unë isha e sëmurë për pak kohë. Dhe pastaj u bëra më mirë për rreth pesë ditë dhe pastaj isha keq përsëri. Ishte shumë më keq, herën e dytë. Herën e dytë kisha shumë dhimbje gjoksi, më dukej sikur ishte e vështirë të merrja frymë. Kisha shumë dhimbje shpine dhe isha jashtëzakonisht e lodhur gjatë gjithë kohës”, tha ajo për CNN.
13 vjeçarja Flannery është e infektuar me “COVID-in e gjatë”, pasi kështu konsiderohen eprsonat që përjetojnë simptoma të virusit për javë ose muaj pavarësisht se janë rikuperuar virologjikisht.
“Ata kanë lodhje, ethe dhe anomali të tilla si pamundësia për t’u përqendruar”, tha eksperti kryesor i sëmundjes infektive të SHBA-së, Dr. Anthony Fauci.
