Pronari i një lokali në fshatin Mborje në Korçë është gjetur i pajetë nga bashkëfshatarët e tij rreth orës 07:15 të mëngjesit të sotëm.
Flamur Duci, 45 vjeç, është gjetur pranë lokalit të tij ku dyshohet se është vrarë nga dy persona që i kanë zënë pritë. Atij i janë gjetur plagë në trup, të cilat dyshohet se janë shkaktuar nga një mjet prerë, ndërsa ka edhe djegie.
Por të afërm dhe fqinjë të Flamur Ducit, ngrenë dyshime se 45-vjeçari mund të jetë vrarë për hasmëri nga njerëzit e ish-bashkëshortes e cila tashmë jeton në Francë.
“Ata ia kanë bërë. Gruaja është në Francë. Nuk i pëlqenin shqiptarët. Ata e kanë bërë me nge, e kanë çarë me thika e kanë djegur. I vuajtur tërë jetën, çfarë i kanë bërë. Kuptohet ajo punë hasmërie është, përderisa e kanë djegur”, thonë fqinjët.
