Eleminimi i Brazilit nga Kampionati Botëror ka shkaktuar një zemërim të madh nga tifozët e këtij ekipi. Një prej tyre ishte dhe ish-futbollisti Ze Elias. Ai ka akuzuar drejtpërdrejt trajnerin Tite pas humbjes me Kroacinë në fazën e çerekfinaleve.
“Fatkeqësisht, Brazili është jashtë Kupës së Botës dhe më vjen keq, do të më kishte pëlqeyr një Brazil-Argjentinë në gjysmëfinale. Brazili ka bërë një ndeshje të mirë, por Kroacia ka shumë merita.
“Dalic ka stu diuar pikët e dobëta të Brazilit dhe ka luajtur pa pika referimi në sulm. Brazili nuk ka kuptuar asgjë. Tite ka treguar disa mangësi të frikshme”, ka thënë Ze Elias.
“Edhe në Botërorin e kaluar, në 2018-ën, kundër Belgjikës kemi humbur për fajin e tij dhe tani ka ndodhur e njëjta gjë. Ka ardhur në Botëror duke thënë se kishte një plan A, B, C, D, E. Por nuk ka bërë asgjë, ka bërë gjithmonë të njëjtat gjëra”.
Në lidhje me talentet braziliane: “Brazili nuk është më ai i Ronaldo-s, Rivaldo-s ose Ronaldinho-s, lojtarë që zgjidhnin ndeshjet të vetëm kur komplikoheshin. Brazili vuan dhe do të vuajë për një kohë të gjatë sepse këta lojtarë nuk janë më”.
