Personi në foto është Nertil Buzi, i riu i cili u dhunua dhe u mbajt peng në Angli nga 7 shqiptarë, pasi dyshohet se ishte i përfshirë në pazaret e drogës. Nertil Buzi nuk rezulton i arrestuar më parë, ndërsa personat e tjerë të arrestuar janë me precedentë penalë.
Në mesin e të arrestuarve është edhe një vajzë, për të cilën ende nuk dihet roli i saj. Nertil Buzi është shpëtuar nga policia angleze, e cila u kontaktua nga homologët në Shqipëri. Deri më tani dyshohet se Buzi punonte në një shtëpi bari.
30-vjeçari shqiptar u mbajt peng për një javë nën kërcënimin se do ta vrisnin nëse nuk paguheshin 400 mijë paund nga te afërmit e tij. Shkaku pengmarrjes dyshohet se është përplasja mes dy grupeve rivale në kontrollin e shtëpive të barit. Shuma pretendohej se ishte fituar nga puna e përbashkët e tyre dhe nuk ishte ndarë si duhet, ndaj dhe morën peng të riun.
