Në mbledhjen e sotme kreu i grupit parlamentar i Partisë Demokratike, Enkelejd Alibeaj, përveç emrit të Presidentit kanë diskutuar edhe për Reformën zgjedhore dhe Territoriale. Ku janë përcaktuar dhe emrat që do marrin pjesë nga opozita në Komision. Dhe një ndër emrat është edhe deputeti Oerd Bylykbashi, njëherësh anëtar i Komisionit të Rithemelimit.
Por Bylykbashi ka deklaruar se lajmin që është caktuar anëtar i Komisionit të Reformës Zgjedhore nga Enkelejd Alibeaj, e ka mësuar nga mediat. Ai gjithashtu ka ironizuar edhe me Bashën duke thënë se edhe kur u hoq nga Zgjedhorja, nga mediat e mori vesh.
“E mora vesh nga mediat që jam caktuar anëtar. Edhe kur me hoqi Basha nga Zgjedhorja, nga mediat e mora vesh” – tha Bylykbashi
Kujtojmë se Alibeaj së bashku me deputetët e Grupit Parlamentar kanë vendosur që të dërgojnë në Kuvend emrat për Komisionet Hetimore, Komisionin për Reformën Zgjedhore dhe Komisionin e Reformës Territoriale.
