Xhonatan Isufi, reperi i njohur ndryshe si Don Xhoni ka dalë “LIVE” në rrjetin e tij social Instagram për të treguar se nuk ndodhet pas hekurave, por i lirë. Vetëm pak minuta pasi u vu në pranga sepse u kap me armë zjarri, Isufi thotë se gjithçka është në rregull. Reperi vijon më tej duke shtuar se ka respekt për policinë e Kosovës.
“Desha me ju tregu se gjithçka është në rregull, gjithçka është ok. Edhe respekt për Policinë e Kosovës se janë të gjithë të mirë. Faleminderit dhe për mbështetjen për këngën e re ‘Katile’.”
Kujtojmë se, këngëtari u arrestua këtë mesditë. Ai u kap me një armë zjarri dhe gjashtë plumba që ju sekuestruan. Zëdhënësi i Policisë për rajonin e Prishtinës, Agron Borovci është shprehur për mediat e Kosovës se këngëtarit i është gjetur dhe sekuestruar një armë zjarri e gjashtë fishekë.
