SPAK ka vendosur të dërgojë në gjyq Thoma Gëllçin, ish-drejtorin e RTSH-së. Kujtojmë që Gëllçi akuzohet për shpërdorim të detyrës. Të pandehur për shkelje te barazisë në tendera u morën Julian Tapia, Alban Malaveci si dhe Ervin Murja.
Të pandehur për shkelje te barazisë ne tendera u morën Julian Tapia, Alban Malaveci si dhe Ervin Murja.
Arrestimi i Thoma Gëllçit
Thoma Gëllçi ka mbajtur për pesë vite detyrën e drejtorit të RTSH, nga maji i 2016 deri në maj të vitit 2021, kur dhe u lirua nga posti me vendim të bordit drejtues. Ish-drejtori i Radio Televizionit Shqiptar, Thoma Gëllçi u arrestua në tetor të këtij viti me akuzën për abuzimin me tenderin për kanalin “RTSH Agro”. Tender ky që ka të bëjë me blerjen e disa pajisjeve për “RTSH Agro”, vlera e të cilit shkonte në rreth 1 milion dollarë. Tenderi për blerjen e pajisjeve ka nisur procedurën në vitin 2018, ndërkohë që kanali RTSH Agro nuk ishte miratuar as nga bordi dhe as nga Autoriteti i Mediave Audiovizive. Sinjali i kanalit “RTSH Agro” është shfaqur në paketën e RTSH vetëm në vitin 2021, pra 3 vite pas tenderit për blerjen e pajisjeve. Thoma Gëllçi akuzohet për “Shpërdorim detyre”, pasi ka kryer disa shkelje ligjore në procedurën e prokurimit të tenderit. Në pranga ranë dhe 3 anëtarë të Komisionit të Vlerësimit të Ofertave, J. Tapia, A. Malaveci dhe E. Muraj. Tre zyrtarët akuzohen për “Shkelja e barazisë së pjesëmarrësve në tendera apo ankande publike”, kryer në bashkëpunim. Në lidhje me të akuzuarit prokuroria e posaçme bëri kërkesë në GJKKO për caktimin e masës së sigurimit “Arrest në burg”. Kërkesë e cila u pranua nga gjykata. “SPAK e ka regjistruar proçedimin penal në datën 28 shkurt të 2020. Pas hetimeve u vërtetuan akuzat për shkelje në këtë tender dhe mbrëmjen e sotme SPAK ka bërë arrestimin e tyre, pasi GJKKO ka caktuar masën e sigurisë “Arrest me Burg’. Hetimet në kuadër të këtij proçedimi janë kryer në bashkëpunim me Drejtorinë e Përgjithshme të Policisë së Shtetit”, njoftoi SPAK ditën e arrestimit. Nga hetimet e SPAK rezultoi se në tenderin me fond limit 87 milionë lekë, kishin marrë pjesë dy kompani dhe fituese është shpallur kompania e cila ka ofruar 20 milionë lekë më shumë. Megjithatë kjo kompani nuk i përmbushte kriteret për të qenë fituese e tenderit. Drejtori i asaj kohe, Gëllci dyshohet dhe për një shkelje tjetër në lidhje me blerjen e pajisjeve për kanalin RTSH Agro. Në lidhje me mallrat e blera përmes këtij tenderi, dyshohet se Gëllci ka firmosur një dokument për shtyrjen e afateve të dorëzimit.
