Në arrestim i bujshëm në luftën anti-korrupsion ishte ai i ish-Drejtorit të Tatimeve të Tiranës, Androkli Kokthi. Por ndryshe nga çfarë pritej, gjykata i ka dhënë lirinë. Vendimi u dha sot nga Gjykata e Lartë.
Gjykata e Apelit i kishte caktuar atij masën e sigurisë ‘Arrest shtëpiak” ndërkohë që nga dita e sotme Androkli Kokthi nuk do të qëndrojë më i izoluar. Androkli Kokthi u arrestua më 18 shkurt si i dyshuar se ka konsumuar veprën penale të shpërdorimit të detyrës me qëllim përfitimi. Sipas akuzes ai iu kthente mallrat e sekuestruara bizneseve në këmbim të parave. Arrestimi i Kokthit u bë nga Specialistët e Antikorrupsionit me urdhër të Prokurorisë së Tiranës, ndërsa hetimet ndaj tij kishin nisur prej disa muajsh nga Policia dhe Prokuroria e rrethit Tiranë pas denoncimit të një subjekti privat.
