Turqi– Grushti i shteti i organizuar nga një grup ushtarak ka dështuar. Mijëra turq, mbështetës të presidentit Erdogan iu përgjigjën thirrjes së tij duke dalë në rrugë për të mbrojtur vendin. Dhjetra ushtarë rebelë braktisën tanket të cilët mbrëmjen e së premtes 15 korrik 2016 kishin dalë nëpër rrugët e Stambollit dhe të Ankarasë.
Zyrtarë të BBC bëjnë të ditur se deri tani shënohen 90 të vdekur, dhe 1 154 të plagosur gjatë përleshjeve të mbrëmjes duke u gdhirë e shtuna 16 korrik 2016. Shumë prej tyre janë civilë dhe 745 ushtarë janë arrestuar.
AFP citon agjencinë shtetërore e lajmeve në Turqi: Ora 09:00- 90 të vdekur dhe 1154 të plagosur. Parlamenti pritet të mblidhet në një seancë të jashtëzakonshme.
Ministri i brendshëm turk, Efkan Ala thotë se 29 kolonelë, 5 gjeneralë turq janë larguar nga detyra ndërkohë u vranë 16 organizatorë të puçit.
Sipas agjensisë së lajmeve Anadolu shteti paralel integroi në ushtri njerëzit e tij përfshi 5 gjeneralë, 29 kolonelë të cilët janë pezulluar nga ministri i Brendshëm.
CNN turk raporton se gjenelari kryesor i ushtrisë turke, Hulusi Akar, i cili ishte marrë peng nga komplotistët mbrëmjen e djeshme tashmë është liruar nga forcat e sigurisë në një bazë ajrore në veri perëndim të Ankarasë.
Ura e Bosforit është hapur pjesërisht për trafikun.Gjatë natës ishte e mbyllur me tanke nga ata që organizuan grushtin e shtetit. Makina e policisë në tentativën për të larguar forcat antiqeveritare në urën e Bosforit.
