Sërish terror në Turqi. Një shpërthim i fuqishëm pranë ambienteve të një dasme në qytetin jugor të Turqisë Gaziantep ka shkaktuar të paktën 30 të vdekur dhe 94 të plagosur, bëjnë me dije burie qeveritare. Qyteti Gaziantep ndodhet jo shumë larg Sirisë, vetem 64 kilometra nga kufiri. Ngjarja ndodhi në atë pjesë të qytetit që popullohet më tepër nga studentë, citon BBC.
Sipas CNN turk, bëhet fjalë për një sulm terrorist. Dyshohet se një kamikaz ka hedhur veten ne erë.
Deri tani askush nuk e ka marrë përsipër organizimin e këtij akti.
Një sulm vetëvrasës ne kete qytet ka ndodhur dhe ne muajin Maj, duke vrare dy police.
Pjesa jugore e Turqisë është goditur nga disa shpërthime vdekjeprurëse gjatë vitit të kaluar, përgjegjësinë për të cilat e kanë marrë herë militantët kurdë, herë ata të të ashtuquajturit Shtet Islamik.
Sulmet shpesh janë lidhur me zhvillimet në luftën e Sirisë.
