Humbja ndaj Real Madrid dhemb shumë te Chelsea. Trajneri Thomas Tuchel ka folur në konferencën për shtyp pas disfatës në Champions League, teksa e cilësoi ndeshjen e djeshme si një nga më të këqiat në “Stamford Bridge”.
Më tej, teksa komentonte humbjen që Chelsea përjetoi dje në Champions, Tuchel tha se në përgjithësi bëmë shumë gabime.
“Është një humbje e rëndë, një nga ndeshjet më të këqija që skuadra ime ka zhvilluar në ‘Stamford Bridge’. Në këtë nivel nuk mund të luash kështu, si individualisht edhe si skuadër”.
“Nuk ishte e mjaftueshme, ishim shumë larg standardit tonë dhe nëse luan kështu atëherë është e sigurt që humbet. Në përgjithësi bëmë shumë gabime.
Nuk mungoi vetëm dëshira për të fituar duelet. Pjesa e parë ishte shumë larg çdo standardi që kemi vendosur”, përfundoi trajneri gjerman i Chelsea.
