Kryeministri i Greqisë, Aleksis Tsipras ka folur rreth marrëdhënieve me vendet fqinje dhe veçanërisht Shqipërinë dhe kryeministrin Edi Rama.
Në një intervistë për Financial Times, Tsipras thot se i ka thirrje kryeministrit Edi Rama, që t’i mbrojë të drejtat e grekëve etnikë ose ndryshe rrezikon anëtarësimin në BE.
Një hap tjetër logjik do të ishte trajtimi i problemeve në marrëdhëniet greko-shqiptare, të cilat kanë mbetur hapur pas një dialogu të premtuar për t’u mbajtur që në nëntor të 2017-ës. Çështjet e pazgjidhura përfshijnë kufijtë detare, çështje teknike të ligjit të luftës që ka ekzistuar ndërmjet dy vendeve që nga viti 1945 dhe statusin e minorotetit etnik grek në Shqipëri.
Tsipras thotë se i ka shpjeguar kryeministrit shqiptar Edi Rama, se Tirana duhet të mbrojë më mirë të drejtat e grekëve etnikë, ose ndryshe rruga e vendit drejt anëtarësimit në BE do të mbyllet. Nëse Shqipëria i përmbush detyrimet e të drejtave të njeriut, thotë Tsipras, “Greqia dhe unë personalisht, do të mbështesim vendimin e duhur në qershor për Shqipërinë dhe Maqedoninë e Veriut që të hapin procesin e anëtarësimit të tyre në BE së bashku….Por ne nuk do të rrezikojmë procesin e anëtarësimit për Maqedoninë e Veriut, nëse ajo ka bërë përparim. Do të ishte e padrejtë”.
Tsipras theksoi se Greqia nuk dëshrion të fitojë reputacion duke u dhënë leksione të tjerëve, duke vënë veton ose kushte tepër të ngurta për vendet që aspirojnë në BE. “Popujt e Ballkanit kanë nevojë për nxitje për reforma” ka theksuar ai.
https://www.ft.com/content/b797dea2-4a27-11e9-bde6-79eaea5acb64
