Altin Hazizaj, një nga aktivistët i cili shpesh është në mbrojtje të të drejtave të njeriut është ndaluar sot nga një person i panjohur, i cili pretendon të jetë truproja i kryetarit të Bashkisë së Tiranës.
Hazizaj, i njohur njëkohësisht si bashkë-themelues i “Qendra për të Drejtat e Fëmijëve” është ndaluar për të marrë pjesë në një nga takimet publike që organizon Bashkia e qytetit me organizatat rinore.
Denoncimi ka ardhur nga vetë Hazizaj në llogarinë e tij në Facebook, i cili shprehet se për këtë rast ka njoftuar menjëherë policinë.
Ai tha ndër të tjera se nëse diçka e tillë i ndodh një personi i cili mbron të drejtat e njeriut, mendo se çfarë mund t’i ndodhë një qytetari të thjeshtë.
Postim i plotë:
SKANDAL! Bodyguard i panjohur qe pretendon qe eshte bodyguard i Kryetarit te Bashkise, sapo me ka ndaluar per te hyre ne nje mjedis publik dhe ne nje takim publik te Bashkise Tirane me organizatat rinore! CRCA Shqiperi do te beje nje reagim urgjent per kete sjellje te kundraligjshme! Kam njoftuar policine e Tiranes! Shpresoj qe ky skandal te zgjidhet menjehere!
Taksat e mia nuk paguhen per njerez te tille! Nese kete sjellje e bejne ndaj nje mbrojtesi te te drejtave te njeriut, mendo se cfare bejne bodyguards ndaj qytetareve te panjohur e te thjeshte! Jam sinqerisht i pafjale!
