Trupi i ish-presidentit Bujar Nishani i cili u nda nga jeta pak ditë më parë në Gjermani pritet të mbërrijë sot në Shqipëri. Mësohet se arkëmorti do të vendoset në sallën “Skëndërbeu” te Presidenca ku familjarët e tij do të presin vizita dhe homazhe nga familjarët dhe miqtë e Nishanit. Ndërkohë ditën e enjte, nga ora 10-12 do të bëhen homazhe sipas protokollit të shtetit, më pas arkëmoti do të niset drejt varrezave të Sharrës, ku do të zhvillohet ceremonia e varrimit. Ish-kreu i Shtetit ndërroi jetë të shtunën e 28 majit në një spital në Gjermani ku ishte i shtruar prej një muaji. Situata shëndetësore e ish-kreut të shtetit u rëndua pas infektimit të tij me COVID-19 dy muaj më parë. Ai vuante nga një sëmundje autoimune në mëlçi dhe nuk arriti t’i tejkalojë pasojat që virusi famëkeq i ka lënë në organizëm.
Fillimisht, Nishani u shtrua në Senatorium dhe pas rehabilitimit të tij fillestar, ai u rikthye në spital për shkak se simptomat post-COVID e patën lënë me shenja pneumonie në mushkëri.
Bujar Nishani ishte 55 vjeç dhe ushtroi detyrën e Presidentit të Shqipërisë nga 24 korriku i vitit 2012 deri në 24 korrik të vitit 2017. Më herët ai kishte mbajtur poste të rëndësishme në qeveri, një ndër të cilave si ministër i Brendshëm.
Lezhë–Milot, aksident mes kamionçinës dhe motorit, i plagosuri në spital –
Një aksident rrugor është regjistruar në aksin Lezhë-Milot, në afërsi të kryqëzimit të Shëngjinit. Sipas informacioneve paraprake, një kamionçinë është...
