“Do të punoj intensivisht për ta bërë Amerikën të madhe për të gjithë”- këto ishin fjalët e presidentit të ri të ShBA, Donald Trump pak para shfaqjes me fishekzjarre në qiellin e Washingtonit
Zëdhënësi i ardhshëm i Shtëpisë së Bardhë, Sean Spicer tha se Trump po vazhdon të ndryshojë fjalimin e tij të përurimit, që do të mbajë të premten në shkallët e ndërtesës së Kongresit.
“Fjalimi do të jetë me tone të forta personale, ku do të shpaloset vizioni i tij për Amerikën. Zoti Trump synon të thekosjë sfidat me të cilat do të ndeshemi. Fjalimi i presidentit do të jetë një deklaratë filozofike se ku ai synon ta çojë qeverinë amerikane, dhe jo një agjendë legjislative”, tha ai.
Sipas Spicer Trump mund të shfuqizojë menjëherë, përmes urdhërave ekzekutivë, disa vendime të presidentit Obama.
