Fjalët dhe puna e një fëmije shqiptar në Amerikë ka frymëzuar familjen presidenciale Trump. Ditmar Seci ka krijuar një projekt që ndihmon fëmijët të qëndrojnë larg drogës dhe alkoolit. Projektin e tij ia ka prezantuar Donald Trump përmes një letre. “Të mrekullueshme dhe frymëzuese” e ka cilësuar letrën e Ditmarit kreu i Shtëpisë së Bardhë, ndërsa e motivon të mos tërhiqet në nismën e tij.
Ilir Seci, babai i Ditmarit ka postuar në Facebook letrën
Në shkolle Ditmari ka krijue një projekt se si me ndihmue fëmijët që mos me u marrë me drogë dhe alkool dhe ia ka çue nji leter Presidentit Trump, ku e njeh me projektin dhe e fton me ia vizitue faqen online të projektit. Në letër Ditmari e kishte urue Presidentin për punën e mirë që po ban, i kishte urue tanë të mirat, për Presidentin, familjen e tij, djalin e tij të vogël që asht moshatar me Ditmarin, si dhe i kishte thanë : “Përshëndete Zonjën tande mahnitëse” ,(“Say hi to your gorgeous wife.”).
Dje i kishte ardhë përgjigjja zotni Ditmarit…
Përgjigjje nga Shtëpia e Bardhë :
“I dashtun Ditmar.
Të falenderojmë për letrën e mrekullueshme. Zonja Trump dhe unë jemi të frymëzuem nga fjalët e tua të fisme dhe nga mbeshtetja që marrim nga nxënësit e mençur si ti nëpër Amerikë.
E ardhmja e ndritun e Kombit tonë mvaret nga aftësite tueja, përkushtimi dhe karakteri. Jep maksimumin çdo dite, lexo me kënaqësi dhe kurrë asnjëherë mos u tërhiq. Gjithnji mbaje mend se ke pjesëtarët e familjes, mësuesit dhe të tjerë që të duen, që kujdesen për ty, që janë aty gati me të ndihmue ty me realizue talentin e dhanun prej Zotit. Ki mendime të mëdha dhe ushqe andrra të mëdha.
Bashkë na do krijojmë nji të ardhme ma të mire e ma të ndritun për ty dhe familjen tande. Shumë faleminderes dhe paç fat të mbarë.”
Me urimet ma të mira,
Donald Trump
