Martesa e një 22 vjeçari me një minorene në Iran ka ngjallur acarimin e miliona njerëzve në mbarë botën.
Një video e përhapur në rrjetet sociale tregon se si një vajzë 11-vjeçare martohet me një djalë në moshë më të madhe se ajo (22-vjeç). Celebrimi është bërë me bekimin e familjes së saj dhe një kleriku mysliman.
Pas transmetimit të videos autoritetet e rajonit të Kohgiluyehusë kanë pezulluar çdo gjë duke e quajtur të paligjshme këtë martesë.
Martesa në moshë minorene është një praktikë e zakonshme në Iran, aq sa e sanksionon dhe ligji martesor.
Në Iran, për vitin 2018, 36 mijë vajza minorene u martuan. Legjislacioni në vend cakton se vajzat mund të martohen mbi moshën 13-vjeçe, ndërsa djemtë mbi moshën 15.
Për të reduktuar numrin e martesave midis minorenëve, një grup deputetësh në Parlamentin Iranian propozuan një ligj të ri për rritjen e moshës së martesave të qytetarëve iranianë, por kjo lëvizje u hodh poshtë nga krahu politik konservator i vendit.
https://twitter.com/i/status/1168617597455294465
