Pak çaste, pasi Manchester United fitoi të dielën Carabao Cup (Kupën e Ligës angleze) ndaj Newcastle (2-0), gazetari i njohur britanik Piers Morgan, ka bërë kritika në rrjetet sociale për trajnerin Ten Hag, i cili gjatë festimeve, u shfaq duke kërcyer përkrah Antony dhe Lisandro Martinez, lojtarë të ‘Djajve të Kuq’.
“Nuk më besohet se po shoh trajnerin e Manchester United duke kërcyer me lojtarët, pasi fituan Kupën e Ligës… është e turpshme”,- shkruante gazetari britanik, i cili në nëntor të vitit të kaluar intervistoi Cristiano Ronaldon, pas së cilës ndodhi edhe ‘divorci’ i futbollistit me United.
Kujtojmë, që ky është trofeu i parë i Manchester United që nga viti 2017, vit në të cilin ‘Djajtë e Kuq’ fituan Europa League me José Mourinhon në krye.
