Volumi i përgjithshëm tregtar në rritje, por jo eksportet
Mes Shqipërisë dhe Turqisë ka ende disa barriera doganore që do të duhet të rrëzohen deri në vitin 2017. Të dyja vendet janë pjesë e marrëveshjes së CEFTA-s, por ka ende disa produkte që i nënshtrohen tarifave të ndërsjella dioganore. Sipas Planit Kombëtar për Reformat, Marrëveshja e Tregtisë së Lirë me Turqinë dhe vendet e rajonit bën të mundur që të realizohen shkëmbime pa barriera doganore. Kështu objektivi i Shqipërisë është që të arrijë një hapje tregu uniformë në bazë të parimit të reciprocitetit.
Një masë e tillë parashikohet që të kontribuojë në rritjen e skeprteve shqiptare. Bisedimet me CEFTA-n nisën gjatë vitit të kaluar, ndërsa përfundimet do të jenë në varësi të zhvillimeve të këtij insitucioni. Objektvi, sipas dokumentit është që të negociatat të mbyllen gjatë këtij viti. Ndërsa finalizimi i të gjitha procedurave ligjore do të bëhet e mundur gjatë vitit 2017.
Vitin e kaluar, Sipas të dhënave nga INSTAT, shkëmbimet tregtare mes Shqipërisë e Turqëisë patën një rritje të lehtë, duke folur më shumë në favor të importeve, që u rritën me rreth 12 për qind në krahasim me vitin paraardhës. Ndërsa për eksportet, situata ka qenë më pesimiste pasi është raportuar një rënie e fortë, me rreth 31 për qind.
Produkti më i eksportuar drejt Turqisë janë materialet e ndërtimit dhe metalet me rreth 63 për qind të totalit dhe minerale, lëndë djegëse dhe energji me 20 për qind. Në vitin 2015, tkurrja e ndjeshme e eksporteve ka ardhur pikërisht si rrjedhojë e reduktimit të shitjeve të materialeve të ndërtimit dhe metaleve, me 45 për qind. Turqia ishte partneri i gjashtë i Shqipërisë për eksportet në 2015-n.
