Policia në Durrës ka proceduar penalisht tre persona, për vepra të ndryshme penale.
Specialistët e Qarkullimit Rrugor në Drejtorinë Vendore të Policisë Durrës, ka arestuar 20-vjeçarin B. D., banues në Tiranë, i shpallur në kërkim për veprat penale “Drejtimi i automjeteve në mënyrë të parregullt” dhe “Mashtrimi”.
Kjo pasi, i riu më datë 27 tetor në segmentin rrugor Thumanë-Fushë Krujë, duke drejtuar mjetin tip “Hyundai” pa leje drejtimi, është ndaluar për kontroll nga shërbimet e Policisë dhe u ka paraqitur atyre lejen e drejtimit të një personi tjetër.
Po ashtu, penalisht u procedua I. K., 55 vjeç, banues në Durrës, pasi është konstatuar nga policia në Manzë, duke transportuar dru të prera në mënyrë të paligjshme.
Policia në Krujë ka proceduar penalisht babë e bir S. Ç., dhe A. Ç., banues në Larushk, Krujë, pasi i kanë pushtuar një sipërfaqe toke H. Ç.
Materialet i kaluan Prokurorisë së Rrethit Gjyqësor Durrës dhe Prokurorisë së Rrethit Gjyqësor Krujë, për veprime të mëtejshme.
