Urdhëri i dhënë nga Ministri i Shëndetësisë Ilir Beqaj
Vizita e mjekut okulist dhe otorino-laringologut, nëse bëhët për efekt raporti mjeksor për leje drejtimi apo leje arme, që prej 1 prillit është bërë me pagesë edhe për të siguruarit. Ministri i Shëndetësisë Ilir Beqaj, më 29 mars 2016, ka lëshuar një urdhër të posaçëm sipas të cilit vizitat tek këto dy mjekë specialistë do të bëhen kundrejt pagesës prej 1 500 lekësh për secilën. Deri tani, për aplikimet paguhej vetëm një raport prej 1 mijë lekësh, i cili mbetet gjithashtu në fuqi. Urdhëri i Ministrit është shpërndarë në të gjitha poliklinikat e specialiteteve në kryeqytet dhe rrethe. Në këtë mënyre, raporti mjeksor, pavarësisht nëse aplikanti është i siguruar, do të kushtojë në total 4 mijë lekë. Këto pagesa konsiderohen si tarifa administrative për një shërbim që ofron shteti dhe nuk kanë të bëjnë me sëmundshmërinë apo parandalimin. Paratë e mbledhura shërbejnë si të ardhura dytësore per poliklinikat.
