Deputetja Mesila Doda ka reaguar pas trazirave në selinë e PD-së.
Përmes një postimi në facebook, Doda shprehet e tronditur nga dhuna zhvilluar në oborrin e Partisë Demokratike, ku shton se PD nuk është pronë as e Bashës e as e Berishës.
Postimi i plotë:
“Po ndjek me dhimbje e tronditje zhvillimet në PD, në partinë që e ngritën me studentë e profesorë si forcën e lirisë dhe sot kjo është dhimbje për demokratët. PD nuk është pronë as e Bashës e as e Berishës, PD është aset kombëtar dhe garanton pluralizmin dhe demokracinë. PD është e atyre qindra mijëra njerëzve që ende besojnë tek forca e lirisë. Demokratët sot më shumë se kurrë duhet t’i japin frymë e forcë lirisë”.
