Dy të rinj janë arrestuar nga Policia e Sarandës dhe një tjetër është shpallur në kërkim pasi janë kapur me drogë në drejtim të Korfuzit. Si rezultat i operacionit të koduar “Ishulli” është bërë i mundur ndalimi i të rinjve, Emiljano Mustafa, 21 vjeç dhe Mateo Galla, 18 vjeç, dhe u shpall në kërkim shtetasi Nefail Bego.
Të rinjtë në bashkëpunim me njeri-tjetrin, kanë tentuar të trafikojnë drejt Korfuzit, lëndë narkotike të dyshuar cannabis sativa, me një pedalon. Policia gjithashtu ka sekuestruar 6.5 kg lëndë narkotike e dyshuar cannabis sativa dhe automjeti me të cilin u transportua lënda narkotike drejt Ksamilit.
Në cilësinë e provës materiale janë sekustruar 6.5. kg lëndë narkotike cannabis sativa, 2 aparate celulare dhe automjeti tip “Toyota” me të cilin po transportohej lënda narkotike në bregdetin e Ksamilit’, thuhet në njoftimin e policisë.
