Ministria e Transporteve hartoi ligjin e ri, i cili pritet të miratohet së shpejti në parlament
Ministria e Transporteve paralajmëron një reformë të thellë në Transportin Ndërqytetas. Ndryshimet do të vijnë pas miratimit të ndryshimeve në ligjin e “transporteve rrugore”. Në ndryshime parashikohen reduktime të ndjeshme të linjave po ashtu masa më të forta për liçensim. Shoqata e Transportit Interurban kërkon që jashtë tregut të dalin operatorët që nuk kanë stacione të caktuara, informalët dhe të liçensuarit në mënyrë abuzive. Ndërsa për Bashkinë e Tiranës, operatorët kanë si kërkesë ndërtimin e terminaleve që do të zgjidhte problemin e vendqëndrimeve dhe trafikun e kryeqytetit.
Me ndryshimet e miratura në parlament të ligjit e transporteve rrugore, dalin nga sistemi i shërbimit 263 linja të transportit ndërqytetas.
Ministria e Transportit ka arritur në përfundimin se 588 linja interurbane janë mbi nevojat reale të popullatës.
Grupet e interesit si Shoqata e Transportit qytetas kërkon nga autoritetet e Ministrisë së Transporteve që të dalin jashtë tregut operatorët që kanë stacione të papërcaktuar dhe liçensimet e bëra në mënyrë abuzive.
Kujtim Mema: Këto janë linja të tepërta të vëna gabim, nuk është se janë vënë dhe kanë qenë të duhuara dhe tani do hiqen dhe është një dhimbje për shembull për një biznes.Abuzime nga persona apo Bashkia që kanë dashur ti bëjnë qejfin dikujt, mund ta konceptoni vetë. Një linjë Sukth-Kapshticë që nuk ka çfarë i duhet asnjeriu, ajo linjë është thjesht një letër dhe nuk funksionon.
Me reformën e këtij shërbimi, kushti i parë është rinovimi i flotës së automjeteve.
Oranews
