Organet e qeverisjes se sistemit gjyqësor parashikojnë që çdo juridiksion apeli të ketë një gjyqtar që do të merret me mediat
Në një trajnim të organizuar nga EURALUS IV dhe qendra LIST, gjyqtari holandez Marc Bax theksoi rëndësinë që ka transparenca në të gjithë procesin e zbatimit të reformës në drejtësi, për të cilën mendon se mbetet sfidë më vete mes gjyqësorit dhe mediave.
Rëndësinë e mediave për transparencën në gjyqësor e theksoi edhe zëvendësshefja e EURALUS Agnes Bernard, e cila tha se reforma ne drejtësi ka parashikuar ligje qe rregullon marrëdhëniet mes gjykatave dhe mediave dhe EURALIUS ka dhenë një ndihmesë ne këtë drejtim.
Edhe gjyqtarët shqiptare ishin dakord që gjykatat duhet të jenë më aktive ne përhapjen e informacionit për të bërë sa më transparent këtë proces.
Bax: “Sepse drejtësia duhet të jepet por edhe duhet të shihet. Duhet të kuptohet nga publiku se si ajo realizohet. Nëse doni që publiku të ketë besim tek gjyqësori, në radhë të parë ata duhet ta kuptojnë gjyqësorin. Ta kuptojnë se çfarë po ndodh, pra se si funksionon ligji.”
Ervin Metalla, gjyqtar në Gjykatën e Apelit: “Mediat në mënyrë të gabuar pasqyrojnë faktet. I marrin në mënyrë shoqërore. Duke mos pasur një marrëdhënie institucionale të gjykatës me median, media krijon situata hipotetike. Këshilli Gjyqësor do të ndërtojë udhëzime standard.”
