Pas rikonstruksionit të plotë të Rrugës së Dibrës, kjo rrugë kryesore e Tiranës ofron edhe korsi të dedikuar për biçikletat, si dhe një rehabilitim të fasadave të pallateve përgjatë saj.
Kreu i Bashkisë së Tiranës, Erion Veliaj, theksoi se ky investim e ka transformuar plotësisht një nga arteriet kryesore rrugore të kryeqytetit.
Veliaj tha se për realizimin e këtij projekti ka mundësuar shtyrjen e mureve të Ministrisë së Mbrojtjes, duke zgjeruar trotuaret, çka i ka dhënë qytetit një tjetër segment me korsi të dedikuar për çiklistët.
Kryetari i Bashkisë së Tiranës theksoi se përfundimi i disa prej akseve kryesore rrugore në Tiranë i ka dhënë mundësi bashkisë që të ndërhyjë në çdo lagje të qytetit.
