“Kohë të arta” për bankat dhe kompanitë e telekomunikacionit
Në vitin 2015 transferimi i fitimit nga kompanitë e huaja që operojnë në Shqipëri, tek kompanitë “mëma” jashtë vendit është rritur me 11 për qind krahasuar me një vit më parë. Në raport me vitin 2013 fitimi I transferuar në formë dividenti është trefishuar. Të dhënat janë publikuar nga Shqipërisë, e cila raporton se në 2015 sipërmarrjet e huaja kanë transferuar jashtë vendit 238 milionë euro, që përgjithësisht janë fitimet e vitit të mëparshëm. Bankat dhe kompnaitë e telekomunikacionit kryesojnë në listën e sipërmarrjeve më fitimprurëse në vend, një pjesë të konsiderueshme të të cilave i transferojnë fitimet te mëmat jashtë vendit. Sipas të dhënave të sipërmarrjeve më të mëdha sipas fitimeve, bankat me kapital të huaj dyfishuan fitimet në 2014-n, duke dhënë efektin kryesor në këtë tendencë. BKT ishte kompania me fitime para taksave më të mëdha në vend, prej 6 miliardë lekë, pothuajse dyfishin në raport me 2013-n. Raiffeisen i zgjeroi fitimet nga 4.8 në 5.5 miliardë lekë dhe Intesa SanPaolo nga 1.2 në 2 miliardë lekë. Tendenca pozitive ka vijuar dhe në 2015-n, ku për 9-mujorin, fitimi i sistemit bankar është rritur 33 për qind me bazë vjetore. Ndërsa kompanitë celulare, AMC dhe Vodafone, edhe pse kanë patur rënie të fitimeve, vijojnë të jenë kompanitë që nxjerrin më shumë fitime në tregun shqiptar.
