Dy ngjarje tragjike kanë tronditur familjen Neziraj nga Dobidoli i Rahovecit të Kosovës, pasi brenda pesë ditësh kanë ndërruar jetë babë e bir.
Mësohet se kanë humbur jetën Lirim Neziraj 20-vjeçar dhe babai i tij Hamëz Neziraj 62-vjeçar, azilkërkues në Zvicër.
Nga burimet e afërta me familjen raportohet se më 21 shtator djali 20 vjeçar Lirim (Hamëz) Neziraj, i sëmurë nga epilepsia dhe autizmi, ka humbur jetën nën rrotat e trenit në Oerlikon të Cyrihut.
Qendra e azilit ku banonte familja Neziraj ishte shumë afër hekurudhës dhe ndër pikat e rralla ku nuk ka të vendosur ndonjë mburojë.
Nga pikëllimi për humbjen e të birit, vetëm 5 ditë më vonë i ati Hamëz Neziraj, ish luftëtar i UÇK-së dhe veteran i luftës pëson sulm në tru dhe vdes.
