Të paktën 10 persona janë ‘varrosur’ nga një ortek këtë të dielë, ditën kur gjithë bota feston Krishtlindjet. Ngjarja e rëndë mësohet se ka ndodhur pranë fshatrave malore Lech dhe Zurs në Austri.
Orteku ka rënë në zonën e hapur për ski në mes të fshatrave dhe ka marrë me vete 11 persona, por një person është shpëtuar deri më tani.
“Dhjetë personat ishin ushtrues të sporteve dimërore,”- thuhet në deklaratë.
Operacioni i kërkimit vijon, ku më shumë se 100 persona kanë dalë në terren, bashkë me qen dhe helikopterë.
“Ne bëjmë gjithçka që mundemi për t’i shpëtuar,”- tha zëdhënësi i komunës Lech, sipas Agjencisë Austriake të Shtypit.
“U kërkuan drita në mënyrë që kërkimi të mund të vazhdonte në errësirë”, thuhet në deklaratë.
The post Tragjedi Krishtlindjesh, vdesin 10 vetë appeared first on 27.
