GJKKO ka dhënë sot vendimin për 6 të arrestuarit si pjesë e një grupi kriminal që trafikonin makina nga Kosova drejt vendit tonë. Kujtojmë se tre prej tyre ishin efektivë policie dhe Gjykata ka vendosur dënimin me burg për të gjithë ata. Sipas gjykatës të paktën deri në përfundim të hetimeve do vijojnë të qëndrojnë , Ndriçim Shahini; Ervis Cara; Aurel Shatri; Vojsava Doda; Endi Ahmetaj, këta dy të fundit me detytë punonjës policie.
Ndaj tyre rëndon akuza trafik te mjeteve motorike dhe grup i strukturuar kriminal”. Për efektivin e tretë të arrestuar, Fatri Braha, i akuzuar vetëm për “shpërdorim të detyrës” u caktua masa e “arrestit në shtëpi”.
Hetimet janë kryer nga SPAK, ku rezulton se anëtarët e grupit kriminal merrnin targa shqiptare dhe ua montonin mjeteve të vjedhura në Kosovë për ti kaluar në kufi. Ndërkohë në kërkim vijon të jetë një tjetëR shtetas si pjesë e këtij grupi.
Personat e lartëpërmendur u arrestuar në kuadër të operacionit të koduar “Nacional”, dhe 3 prej te arrestuarve janë punonjës policie. Referuar hetimeve grupi drejtohej nga shtetasi Selaudin Shahini, i cili, kishte krijuar një rrjet personash që të trafikonin mjete motorike nga Kosova drejt vendit tonë.
Mësohet se ky grup kishte kryer disa vjedhje në shtetin fqinj, automjetet te cilat silleshin ke vendin tonë i ndrroheshin targat e më pas shiteshin. Gjatë operacionit u sekuestruan 4 automjete dhe disa aparate celularë
