Gjykata e Catanias dënon me 15 vite e 5 muaj burg në Itali për trafikun e drogës Shqipëri-Itali, Moisi Habilaj.
Moisi Habilaj , kushëriri i ish ministrit të brendshëm Saimir Tahiri u arrestua gjatë operacionit “Trëndafili i erës” në tetor të vitit 2017.
Ndërkohë, Nazer Seiti i konsideruar si financier i grupit Habilaj është dënuar me 6 vite burg, 4 muaj e 26 ditë. Antonio Riela u dënua me 14 vite burg, Meridian Sulaj 8 vite e 4 muaj burg, Angelo Busaca 7 vite e 4 muaj burg, Giuseppe Greco 2 vjet e 4 muaj burg. Sakaq gjykata vendosi të lërë të lirë katër shtetasit italianë, Antonio Grieco, Carmelo Bertolini, Ëilliam Patane e Massimiliano Bruno
Në fillim të nëntorit 2018, Prokuroria e Catanias pushoi hetimet për ish-ministrin e brendshëm, Saimir Tahiri, pavarësisht se në Shqipëri, Prokuroria e Krimeve të Rënda vijon hetimet për të nën dyshimet se ka favorizuar dhe bashkëpunuar me grupin Habilaj
Për dosjen Habilaj që po hetohet në Shqipëri vijojnë të jënë në kërkim edhe 3 ish-zyrtarët e Policisë së Vlorës: Jeld Çela, Gjergj Kohila dhe Sokol Bode.
Banda e Habilajve në Vlorë u kap pas një hetimi 2-vjeçar të antimafias italiane, e cila përgjoi të gjithë grupin që transportonte hashashin e prodhuar në Shqipëri drejt Italisë, në Siçili.
Në kohën kur u kap një anije me qindra kilogramë hashash, u arrestuan edhe Moisi Habilaj, i afërt i ish-ministrit Tahiri, bashkëpunëtorët e tij si dhe pjesa e rrjetit italian.
Lista e të dënuarve:
Antonino Riela: 14 vjet e 8 muaj;
Angelo Busacca: 7 vjet, 4 muaj e 26 ditë;
Vincenzo Spampinato: 14 muaj;
Gianluca Passavanti: 4 vjet dhe 10 mijë euro gjobë;
Ëilliam Patanè: lirohet;
Carmelo Bertolini: lirohet;
Massimiliano Bruno: lirohet;
Antonio Greco: lirohet;
Giuseppe Greco: 2 vjet e 4 muaj dhe 4700 euro gjobë;
Rosario Giuliano: 2 vjet e 4 muaj dhe 4700 euro gjobë;
Nezar Seiti: 6 vjet e 4 muaj e 26 ditë;
Sulaj Meridian: 8 vjet e 4 muaj;
Moisi Habilaj: 15 vjet, 5 muaj e 10 ditë.
