Policia italiane ka arrestuar shtatë shtetas shqiptarë dhe 1 femër italiane, pasi akuzohen për trafik droge dhe armëmbajtje pa leje.
Përgjimet telefonike, si dhe ato ambientale në automjetet e të arrestuarve kanë zbardhur aktivitetin e tyre në trafikun e heroinës, kokainës, marijaunë e hashash të trafikuar kryesisht nga vendet e ulëta.
Gjatë operacionit janë ekzekutuar dhe mjaft kontrolle banesash e janë sekuestruar një revolver me numër serie të shuar, dy mitralozë të vegjël e një pistoletë gjysëm automatike.
Policia italiane bën me dije se hetimet janë zhvilluar në periudhën kohore dhjetor 2017- shkurt 2018. Operacioni është koordinuar nga Prokuroria e Komos.
